Gujarat: ગુજરાતમાં ચોમાસુ બરાબૂર જામ્યું છે પરંતુ હજુ પણ કેટલાક જિલ્લાઓમાં વરસાદી મહેરની રાહ જોવામાં આવી રહી છે. પાછલા ચોવીસ કલાકની વાત કરીએ તો રાજ્યનાં 168 તાલુકામાં વરસાદ પડ્યો છે, જ્યારે દક્ષિણ ગુજરાતના જિલ્લાઓમાં ધોધમાર તથા અન્ય જિલ્લાઓમાં હળવા-મધ્યમ વરસાદની આગાહી છે.
સૌથી વધુ વલસાડમાં 6 ઈંચથી વધુ વરસાદ પડ્યો હતો, જ્યારે નવસારીના ગણદેવીમાં પાંચ ઈંચથી વધુ વરસાદ નોંધાયો હતો. પારડીમાં 4.5 ઈંચ, વાપીમાં 4 ઈંચ, ઉમરગાંવમાં 4 ઈંચથી વધુ, ધરમપુરમાં 3 ઈંચ અને કપરાડામાં 2 ઈંચ જેટલો વરસાદ નોંધાયો છે. આ ઉપરાંત ચીખલી અને જલાલપોરમાં 4-4 ઈંચથી વધુ અને વાંસદામાં દોઢ ઈંચ કરતા વધુ પડ્યો હતો.
હવામાન વિભાગની આગાહી અનુસાર ભરૂચ, સુરત, તાપી, નવસારી, ડાંગ અને વલસાડમાં ધોધમાર વરસાદ પડી શકે છે.
હવામાન વિભાગની આગાહી અનુસાર ભરૂચ, સુરત, તાપી, નવસારી, ડાંગ અને વલસાડમાં ધોધમાર વરસાદ પડી શકે છે.કચ્છ, મોરબી, જામનગર, દેવભૂમિ દ્વારકા, પોરબંદર, રાજકોટ, જૂનાગઢ, ગીર સોમનાથ, અમરેલી, ભાવનગર, બોટાદ, સુરેન્દ્રનગર, પાટણ, બનાસકાંઠા, મહેસાણા, સાબરકાંઠા, અરવલ્લી, ગાંધીનગર, અમદાવાદ, આણંદ, ખેડા, મહિસાગર, પંચમહાલ, દાહોદ, નર્મદા અને વડોદરામાં હળવાથી મધ્યમ વરસાદ પડી શકે છે.
આ ઉપરાંત ભારે વરસાદની આગાહીને પગલે આગામી પાંચ દિવસ માછીમારોને દરિયો ન ખેડવા સૂચના આપવામાં આવી છે.
ગુજરાતમાં નૈઋત્યના ચોમાસાના અધિકૃષ આગમનને આગામી 14મી જુલાઈના એક મહિનો પૂરો થશે. એક મહિનો પૂરો થવા છતાં ગુજરાતમાં મેઘરાજા હજુ જોઈએ એવા મન મૂકીને વરસ્યા નથી. હજુ સુધી 9.15 ઈંચ સાથે સિઝનનો 26.32 ટકા વરસાદ વરસ્યો છે. જેની સરખામણીએ ગત્ વર્ષે 12મી જુલાઈ સુધી 21.34 ઈંચ સાથે સિઝનનો 48 ટકા વરસાદ વરસી ચૂક્યો હતો. હાલ રાજ્યના 18 જિલ્લા એવા છે જ્યાં વરસાદની 20 ટકાથી પણ વધુ ઘટ છે.
