TCS
Stock Market Today: શેરબજારમાં મજબૂત ઉછાળાને કારણે, BSE પર લિસ્ટેડ શેરોનું માર્કેટ કેપ રૂ. 452.38 લાખ કરોડ પર બંધ થયું છે.
Stock Market Closing On 12 July 2024: ભારતીય શેરબજારનું સપ્તાહનું છેલ્લું ટ્રેડિંગ સત્ર ઘણું સારું રહ્યું છે. TCSના ઉત્કૃષ્ટ ત્રિમાસિક પરિણામો પાછળ IT શેરોમાં જોરદાર ખરીદી જોવા મળી હતી, જેના કારણે દિવસના ટ્રેડિંગમાં સેન્સેક્સ અને નિફ્ટી ઐતિહાસિક ઊંચાઈએ પહોંચ્યા હતા. નિફ્ટી આઈટી ઈન્ડેક્સમાં 1600થી વધુ પોઈન્ટનો ઉછાળો જોવા મળ્યો છે. ટ્રેડિંગના અંતે BSE સેન્સેક્સ 622 પોઈન્ટના ઉછાળા સાથે 80,519 પોઈન્ટ અને નેશનલ સ્ટોક એક્સચેન્જનો નિફ્ટી 186 પોઈન્ટના ઉછાળા સાથે 24,502 પોઈન્ટની જીવનકાળની સર્વોચ્ચ સપાટીએ બંધ રહ્યો હતો.
વધતા અને ઘટતા શેર
આજના કારોબારમાં આઈટી શેરોમાં જોરદાર ઉછાળો જોવા મળ્યો છે. જેમાં TCS 6.68 ટકા, ઇન્ફોસિસ 3.57 ટકા, HCL ટેક 3.20 ટકા, ટેક મહિન્દ્રા 3.19 ટકાના વધારા સાથે બંધ થયા હતા. આ સિવાય એક્સિસ બેન્ક 1.62 ટકા, રિલાયન્સ 0.96 ટકા, બજાજ ફાઇનાન્સ 0.78 ટકા, HUL 0.47 ટકા, SBI 0.36 ટકાના વધારા સાથે બંધ થયા છે. ઘટતા શેરોમાં મારુતિ 1 ટકા, એશિયન પેઇન્ટ્સ 0.79 ટકા, કોટક મહિન્દ્રા બેન્ક 0.77 ટકા, ICICI બેન્ક 0.56 ટકા, ટાઇટન 0.55 ટકા, ભારતી એરટેલ 0.42 ટકાના ઘટાડા સાથે બંધ થયા હતા.
