Gold Price Today: ભારતીય બુલિયન માર્કેટમાં છેલ્લા ઘણા દિવસોથી ઘટાડો ચાલુ છે. આમ છતાં સોના-ચાંદીના ભાવ આસમાને છે. મે મહિનાના છેલ્લા ટ્રેડિંગ દિવસે શુક્રવારે બુલિયનના ભાવમાં ભારે ઘટાડો જોવા મળ્યો હતો. બજાર ખુલ્યા બાદ સોનાની કિંમતમાં 400 રૂપિયાની આસપાસ જ્યારે ચાંદીની કિંમતમાં 1300 રૂપિયાનો ઘટાડો થયો હતો. જોકે તે પછી માર્કેટમાં સુધારો જોવા મળ્યો હતો. બપોરે 1 વાગ્યા સુધીમાં બુલિયન માર્કેટમાં 50 રૂપિયાના ઘટાડા સાથે કારોબાર થતો જોવા મળ્યો હતો જ્યારે ચાંદીના ભાવમાં 500 રૂપિયાનો ઘટાડો થયો હતો. હાલમાં સોનું (22 કેરેટ) 66,248 રૂપિયા પ્રતિ દસ ગ્રામ અને 24 કેરેટ સોનું 72,270 રૂપિયાના સ્તરે પહોંચી ગયું છે. જ્યારે ચાંદીની કિંમત 93,890 રૂપિયા પ્રતિ કિલો થઈ ગઈ છે.
MCX અને વિદેશી બજારમાં સોના અને ચાંદીના ભાવ
મલ્ટી કોમોડિટી એક્સચેન્જ (MCX) પર સોનું 0.04 ટકા એટલે કે રૂ. 27 વધીને રૂ. 72,243 પ્રતિ દસ ગ્રામ પર ટ્રેડ કરી રહ્યું છે. જ્યારે ચાંદીની કિંમત 0.53 ટકા એટલે કે 497 રૂપિયા પ્રતિ કિલો ઘટીને 93,626 રૂપિયા થઈ ગઈ છે. બીજી તરફ વિદેશી બજારમાં એટલે કે યુએસ કોમેક્સમાં સોનાની કિંમત 0.08 ટકા એટલે કે $1.80 સસ્તી છે અને ઔંસ દીઠ $2,364.70 પર ટ્રેડ થઈ રહી છે. જ્યારે ચાંદીની કિંમત 0.62 ટકા એટલે કે 0.19 ડોલર ઘટીને 31.34 ડોલર પ્રતિ ઔંસ પર ટ્રેડ થઈ રહી છે.
દેશના મુખ્ય શહેરોમાં સોના-ચાંદીના ભાવ
દેશની રાજધાની દિલ્હીમાં 22 કેરેટ સોનાની કિંમત 66,018 રૂપિયા પ્રતિ દસ ગ્રામ થઈ ગઈ છે. તો 24 કેરેટ સોનાની કિંમત 72,020 રૂપિયા પ્રતિ 10 ગ્રામ પર યથાવત છે. જ્યારે ચાંદીની કિંમત 93,470 રૂપિયા પ્રતિ કિલો પર ટ્રેડ થઈ રહી છે. જ્યારે મુંબઈમાં સોનું (22 કેરેટ) 66,138 રૂપિયા અને 24 કેરેટ સોનું 72,150 રૂપિયા પ્રતિ દસ ગ્રામ પર ટ્રેડ થઈ રહ્યું છે. જ્યારે અહીં ચાંદીની કિંમત 93,630 રૂપિયા પ્રતિ દસ ગ્રામ પર પહોંચી ગઈ છે.
કોલકાતામાં 22 કેરેટ સોનાનો ભાવ 66,046 રૂપિયા અને 24 કેરેટ સોનાનો ભાવ 72,050 રૂપિયા પ્રતિ દસ ગ્રામ થઈ ગયો છે. જ્યારે ચાંદીની કિંમત 93,510 રૂપિયા પ્રતિ 10 ગ્રામ પર ટ્રેડ થઈ રહી છે. બીજી તરફ ચેન્નાઈમાં સોનું (22 કેરેટ) રૂ. 66,321 અને 24 કેરેટ સોનું રૂ. 72,350 પ્રતિ દસ ગ્રામ પર ટ્રેડ થઈ રહ્યું છે. જ્યારે અહીં ચાંદીની કિંમત 93,970 રૂપિયા પ્રતિ કિલો થઈ ગઈ છે.
