Weather Update: છેલ્લા ઘણા દિવસોથી ગરમી અને હીટ વેવના કારણે લોકોનું જીવન મુશ્કેલ બની ગયું છે. હવામાન વિભાગનું કહેવું છે કે આગામી 24 કલાકમાં ચોમાસા માટે સ્થિતિ સાનુકૂળ રહેવાની છે.
દેશમાં ઉનાળાની કાળઝાળ ગરમીથી ત્રસ્ત લોકોને આગામી દિવસોમાં રાહત મળવાની આશા દેખાઈ રહી છે. હવામાન વિભાગે કહ્યું છે કે ગરમીનું મોજું ધીમે ધીમે ઓછુ થવા જઈ રહ્યું છે અને કેરળના ચોમાસા માટે સ્થિતિ અનુકૂળ બનવા લાગી છે.
હવામાન વિભાગના જણાવ્યા અનુસાર, હરિયાણા, ચંદીગઢ-દિલ્હી અને પંજાબના મોટાભાગના વિસ્તારોમાં ગરમીથી ગંભીર ગરમીની સ્થિતિ પ્રવર્તી રહી છે, જ્યારે પશ્ચિમ ઉત્તર પ્રદેશ, પૂર્વ મધ્ય પ્રદેશ, હિમાચલ પ્રદેશ, પશ્ચિમ મધ્ય પ્રદેશ, પૂર્વ ઉત્તર પ્રદેશ, રાજસ્થાન, જમ્મુમાં , વિદર્ભ અને છત્તીસગઢના વિવિધ વિસ્તારોમાં હીટ વેવની સ્થિતિ યથાવત રહી હતી.
