વાપી હીટ એન્ડ રન કેસ ..

હાલમાં જ અમદાવાદમાં થયેલા હીટ એન્ડ રન કેસની શ્યાહી હજી સુધી સુકાઇ નથી ત્યાં તો વાપી નગરપાલિકાના સભ્ય એવા આરતીબેનની કાર દ્વારા હીટ એન્ડ રનની ઘટના બની છે. આ મહિન્દ્રા એક્સયુવી 500 કાર સેલવાસથી વાપી તરફ આવી રહી હતી ત્યારે ડ્રાઇવરે સ્ટીયરીંગ ઉપરથી કાબૂ ગુમાવતા આ ઘટના બની જેમાં ચાર વ્યક્તિઓના ઘટના સ્થળે જ મોત નીપજ્યા છે.કારની નંબર પ્લેટ પાસે લખાયું છે. વાપી નગરપાલિકા કોર્પોરેટર, જી હા એટલે કે આ કાર છે વાપી નગરપાલિકા વોર્ડ નં. 7 ના સભ્ય આરતી બેન પટેલની જે હાલમાં જ નગરપાલિકાની ચૂંટણીમાં ભારતીય જનતા પાર્ટીની ટીકિટ ઉપરથી ચૂંટાઈ આવ્યા છે. આ મહિલા કોર્પોરેટરના નામે ગાડી છે જે ગાડી દ્વારા સેલવાસ રોડ ઉપર બે સ્કુટર સવારોને ટક્કર મારવામાં આવી છે. જેમાં ચાર જેટલી વ્યક્તિઓના મોત નીપજ્યા છે. આ કાર સેલવાસ તરફથી આવી રહી હતી ત્યારે ડ્રાઇવરે કાબૂ ગુમાવતા કારે બે સ્કુટર સવારોને અડફટે લીધા હતાં. અકસ્માત એટલો ગંભીર હતો કે બં ને સ્કુટરો ને કકડે કકડા થઇ ગયા હતા.ઘટના એટલી ગંભીર હતી કે જગ્યા પર જોનારા તમામ લોકો આ ઘટનાને જોઇને અચંભિત બની ગયા હતા. આ ઘટનાને પગલે સ્થાનિક તથા ત્યાંથી જતા તમામ રાહદારીઓ પર અવાચક બની ત્યાં જ થંભી ગયા હતાં. આ ઘટનાની જાણ પોલીસને થતાં પોલીસે પણ તાત્કાલિક એકશન લીધા હતાં. અને ઘટના સ્થળે પહોંચી ને તરત જ કાર્યવાહી હાથ ધરી હતી. પોલીસ દ્વારા તમામ ડેડબોડીને પોસ્ટ મોર્ટમ માટે મોકલી દેવામાં આવી હતી. તેમજ ઘટના સ્થળેથી અકસ્માત થયેલી કારને ખસેડવાની પણ તજવીજ હાથ ધરી દેવામાં આવી હતી.આ કાર વાપી પાલિકાના મહિલા સભ્યની છે એ વાત તો પુરવાર થઇ પરંતુ ઘટના બનતાની સાથે ત્યાંથી કારચાલક તુરંત ફરાર થઇ ગયા હતા. એટલે આ કાર પાલિકાના મહિલા સભ્ય જાતે ચલાવતા હતા કે તેમના પતિ ચલાવતા હતા કે અન્ય કોઇ ઇસમ ચલાવી રહ્યું હતું. આ મામલે પોલીસ હવે કોની ધરપકડ કરે છે તે જોવું રહ્યું.