ભારત 7 મી વાર બન્યુ એશિયાનું ચેમ્પિયન, બાંગ્લાદેશને 3 વિકેટથી હરાવ્યુ

એશિયા કપ 2018 ની ફાઈનલ મેચ શુક્રવારે ભારત વિરુદ્ધ બાંગ્લાદેશ વચ્ચે રમાઈ ગઈ. આ મેચમાં ભારતે પહેલા ટોસ જીતીને બોલિંગ કરવાનો નિર્ણય લીધો. એક સમયે લિટન દાસ અને હસનની જોડીએ ભારતના આ નિર્ણય પર સંકટ ઉભુ કરી દીધુ હતુ જ્યારે બંને બેટ્સમેનોએ સદીની ભાગીદારી કરી હતી. લિટન દાસે શાનદાર સદી પણ ફટકારી. જો કે કેદાર જાધવે ફરીથી એક વાર ભારતને પાટા પર લાવી દીધુ અને ત્યારબાદ ભારતીય બોલરો બાંગ્લાદેશ પર સંપૂર્ણપણે હાવી થઈ ગયા અને એક બાદ એક વિકેટો ખેરવી દીધી. બાંગ્લાદેશની આખી ટીમ 222 રનમાં સમેટાઈ ગઈ. જો કે ભારતીય બેટ્સમેનોએ ભારતીય પ્રશંસકોને ઘણા નિરાશ કર્યા. ભારતની શરૂઆત સારી ન રહી. શિખર ધવન 15 રન બનાવીને પેવેલિયન પાછા ફર્યા. રોહિતનો સાથ આપવા આવેલા અંબાતી રાયડુ પણ કંઈ કમાલ કરી શક્યા નહિ અને 2 રન બનાવીને પેવેલિયન ભેગા થઈ ગયા. એક છેડેથી રોહિત શર્માએ વિકેટોનું પતન રોકી રાખ્યુ પરંતુ રોહિત શર્મા પોતે પણ 48 રન બનાવીને આઉટ થઈ ગયા. 222 રનના નાના સ્કોરને પણ બાંગ્લાદેશે ખૂબ બહાદૂરીથી બચાવી રાખ્યો. ત્યારબાદ ભારતની જીતની જવાબદારી આવી દિનેશ કાર્તિક અને મહેન્દ્ર સિંહ ધોનીના ખભા પર. આ બંને ખેલાડીએ મેદાન પર સમય તો વીતાવ્યો પરંતુ વધારે સ્કોર કરી શક્યા નહિ. ધોની 36 રન બનાવીને મુસ્તફિજુરનો શિકાર બની ગયા તો કાર્તિકને મહમુદુલ્લાએ પોતાનો શિકાર બનાવી દીધા. કેદાર જાધવ અને રવિન્દ્ર જાડેજા દાવને આગળ વધારી રહ્યા હતા કે જાધવે રિટાયર્ડ હર્ડ થવુ પડ્યુ ત્યારબાદ થોડી વાર માટે ભુવનેશ્વર કુમાર અને જાડેજાએ ભારતનો દાવ સંભાળ્યો.