Article 371 કોઈપણ રાજ્યને વિશેષ દરજ્જો આપે છે. જો આને લદ્દાખમાં લાગુ કરવામાં આવે તો લદ્દાખમાં ઘણા બદલાવ આવી શકે છે. ચાલો જાણીએ કલમ 371 લાગુ થયા બાદ લદ્દાખમાં શું બદલાવ આવશે.
5 ઓગસ્ટ, 2019 ના રોજ, મોદી સરકારે જમ્મુ અને કાશ્મીરમાંથી કલમ 370 નાબૂદ કરી. ગઈ કાલે, કલમ 370 હટાવ્યા બાદ પહેલીવાર વડાપ્રધાન મોદીએ કાશ્મીરની મુલાકાત લીધી હતી. આ દિવસોમાં લદ્દાખમાં પણ વિરોધ પ્રદર્શન થઈ રહ્યા છે. આ દરમિયાન એવી ચર્ચાઓ પણ ચાલી રહી છે કે હવે લદ્દાખમાં કલમ 371 લાગુ થઈ શકે છે. કલમ 371 કોઈપણ રાજ્યને વિશેષ દરજ્જો આપે છે. જો આને લદ્દાખમાં લાગુ કરવામાં આવે તો લદ્દાખમાં ઘણા બદલાવ આવી શકે છે. ચાલો જાણીએ કલમ 371 લાગુ થયા બાદ લદ્દાખમાં શું બદલાવ આવશે.
Article 371 કેમ લાગુ કરી શકાય?
લદ્દાખમાં આ દિવસોમાં ઘણા પ્રદર્શનો થઈ રહ્યા છે. હકીકતમાં, 2019માં જમ્મુ-કાશ્મીરમાંથી કલમ 370 હટાવ્યા બાદ લદ્દાખને પણ કેન્દ્રશાસિત પ્રદેશ બનાવવામાં આવ્યો હતો. પરંતુ લદ્દાખમાં કોઈ બિલ લાગુ કરવામાં આવ્યું ન હતું. આ અંગે લદ્દાખના લોકોની માંગ છે. આમાં મુખ્ય ચાર માંગણીઓ છે. જેમાં સંપૂર્ણ રાજ્યનો દરજ્જો, આદિજાતિનો દરજ્જો, સ્થાનિક લોકો માટે નોકરીઓમાં આરક્ષણ, લેહ અને કારગીલમાં MP બેઠકોનો સમાવેશ થાય છે. આ માંગણીઓને ધ્યાનમાં રાખીને કેન્દ્ર સરકાર અન્ય 11 રાજ્યોની જેમ લદ્દાખમાં પણ વિશેષ સુવિધા આપીને કલમ 371 લાગુ કરી શકે છે.
ફેરફારો શું હોઈ શકે?
જો લદ્દાખમાં કલમ 371 લાગુ કરવામાં આવે. તો તે પછી લદ્દાખમાં ઘણી વસ્તુઓ બદલાઈ શકે છે. કલમ 371 કોઈપણ રાજ્યની વિશેષ જરૂરિયાતોને પૂર્ણ કરે છે અને તેના સ્થાનિક હિતોનું રક્ષણ કરે છે. કલમ 371 લાગુ થયા બાદ લદ્દાખમાં સ્થાનિક લોકોને નોકરીઓમાં 80 ટકા અનામત આપી શકાશે. આ કલમ લાગુ થયા બાદ ત્યાં કેન્દ્ર સરકારની દખલગીરી ઘટી શકે છે.
