બેંકો પાસે નાણાંના અભાવ ના કારણે લોકો હેરાન પરેશાન.

નોટબંધી બાદ શરૂઆતથી જ ચર્ચામાં આવતી બ્રાંચ હોય તો તે છે ભરૂચના પશ્ચિમ વિસ્તારમાં આવેલી બેન્ક ઓફ બરોડાની બ્રાન્ચો. જ્યાં લોકોને પૂરતા નાણાં ન આવતા લોકોમાં ભારે રોષ જોવા મળી રહ્યો છે.આજ રોજ પણ મસ્ત લાઈનો લગાવી લોકો નાણાં લેવા માટે ઉભા હતા. પરંતુ બેંકમાં નાણાંનો અભાવ હોય લાઈનમાં ઉભેલા લોકોને પૂરતા નાણાં ન મળતા લોકો એ ભારે હોબાળો મચાવ્યો હતો. જેમાં એક ઈશમે બેન્કના મુખ્ય પ્રવેશ દ્વારનો કાંચ તોડી નાખતા ભારે મહંમદ પુરા વિસ્તારમાં ભારે ગરમાગરમી ભર્યો માહોલ સર્જાયો હતો.બેન્કના કર્મચારીઓએ સલામતીના ભાગ રૂપે બેન્કને અંદરના ભાગેથી લોંક માળી બેન્ક બંધ કરવાની ફરજ પડી હતી. સમગ્ર ઘટના ની જાણ ભરૂચ બી ડીવીઝન પોલીસ મથકને થતા પી એસ આઈ ગીલાતર તાત્કાલિક ઘટના સ્થળે દોડી જઈ મામલો થાળે પડ્યો હતો. અને કાંચ તોડનારને પોલીસ સ્ટેશન ખાતે લઇ જવાયો હતો. ઉલ્લેખનીય છે કે લોકો એ બેન્કની કામગીરી સામે શંકા વ્યક્ત કરી બેંકમાં ગોલમાલથી નાણાંની લેવડ દેવડના આક્ષેપો કર્યા હતા. ભરૂચના પશ્ચિમ વિસ્તારમાં આવેલી મહંમદ પુરા ખાતે ની બેન્ક ઓફ બરોડા ની બ્રાન્ચમાં નાણાંના અભાવના કારણે ઉશ્કેરાયેલા લોકો એ તોડફોડ કરી હતી.૫૦૦ અને ૧૦૦૦ ની નોટબંધી બાદ બેંકો ઉપર છેલ્લા એક માસ થી લોકો લાંબી લાંબી કતારોમાં ઉભા નજરે પડે છે.