GST: નાણા મંત્રાલયે શનિવારે જણાવ્યું હતું કે GST ગુપ્તચર અધિકારીઓએ ચાલુ નાણાકીય વર્ષમાં એપ્રિલથી ડિસેમ્બર સુધીમાં રૂ. 18,000 કરોડના નકલી ઇનપુટ ટેક્સ ક્રેડિટ (ITC) કેસ શોધી કાઢ્યા છે. મંત્રાલયે કહ્યું કે આ મામલામાં 98 લોકોની ધરપકડ કરવામાં આવી છે. ડિરેક્ટોરેટ જનરલ ઓફ GST ઇન્ટેલિજન્સ (DGGI) એ ચાલુ નાણાકીય વર્ષ દરમિયાન દેશભરમાં કાર્યરત છેતરપિંડી કરનાર ઇનપુટ ટેક્સ ક્રેડિટ (ITC) લેતી ગેંગ અને તેમના માસ્ટરમાઇન્ડ્સને ઓળખવા અને ધરપકડ કરવા પર વિશેષ ભાર મૂક્યો છે.
“ચાલુ નાણાકીય વર્ષ (ડિસેમ્બર 2023 સુધી), 18,000 કરોડ રૂપિયાના 1,700 નકલી ITC કેસ શોધી કાઢવામાં આવ્યા છે
અને 98 છેતરપિંડી કરનારાઓની ધરપકડ કરવામાં આવી છે,” DGG એ એક નિવેદનમાં જણાવ્યું હતું.
