Bank News:
ખાનગી ધિરાણકર્તા યસ બેંકે નાણાકીય વર્ષ 2023-24ના ત્રીજા ક્વાર્ટર (ઓક્ટોબર-ડિસેમ્બર)ના પરિણામો આજે એટલે કે શનિવારે (27 જાન્યુઆરી) જાહેર કર્યા છે. Q3FY24 માં બેંકનો ચોખ્ખો નફો વાર્ષિક ધોરણે 349.7% વધીને (YoY) રૂ. 231.6 કરોડ થયો છે. ગયા વર્ષના સમાન ક્વાર્ટરમાં બેન્કે રૂ. 51.5 કરોડનો ચોખ્ખો નફો નોંધાવ્યો હતો.
વ્યાજની ચોખ્ખી આવક 2.4% વધી
યસ બેંકની ચોખ્ખી વ્યાજ આવક (NII) Q3FY24 માં વાર્ષિક ધોરણે 2.4% વધીને (YoY) રૂ. 2,017 કરોડ થઈ છે. બેંકની ગ્રોસ નોન-પર્ફોર્મિંગ એસેટ્સ (NPA) અથવા બેડ લોન 2.0% હતી, જે ગયા વર્ષ જેટલી જ છે. ત્રીજા ક્વાર્ટરમાં બેન્કની નેટ NPA 0.9% હતી, જે ગયા વર્ષના સમાન ક્વાર્ટરમાં 1.0% હતી.
ગ્રોસ એનપીએ રૂ. 4,457 કરોડ હતી
ડિસેમ્બર ક્વાર્ટરમાં યસ બેન્કની ગ્રોસ એનપીએ વધીને રૂ. 4,457 કરોડ થઈ છે, જે સપ્ટેમ્બર ક્વાર્ટરમાં રૂ. 4,319 કરોડ હતી. જ્યારે Q3FY24માં બેન્કની નેટ NPA વધીને રૂ. 1,934 કરોડ થઈ હતી. Q2FY24માં તે રૂ. 1,885 કરોડ હતો.
મૂડી પર્યાપ્તતા ગુણોત્તર 16% હતો
મૂડી પર્યાપ્તતા ગુણોત્તર 16% હતોબેસલ III નોર્મ્સ હેઠળ યસ બેન્કનો મૂડી પર્યાપ્તતા ગુણોત્તર ડિસેમ્બરના અંતે 16% હતો, જેની સરખામણીએ Q3FY23 માં 18% અને આ નાણાકીય વર્ષના જુલાઈ-સપ્ટેમ્બર ક્વાર્ટરમાં 17.1% હતો. ડિસેમ્બર ક્વાર્ટરમાં બેન્કનો ચોખ્ખો ટેક્સ આઉટગો વાર્ષિક ધોરણે ત્રણ ગણો વધીને રૂ. 78 કરોડ થયો છે. તે Q3FY23 માં રૂ. 17 કરોડ હતો.
જોગવાઈઓ રૂ. 554.7 કરોડ હતી
બેંકના નફામાં આ જંગી ઉછાળાનું એક કારણ એ જ સમયગાળામાં જોગવાઈઓમાં થયેલો ઘટાડો છે. બેન્કે Q3FY24 માટે રૂ. 554.7 કરોડ આપ્યા હતા, જ્યારે ડિસેમ્બર ક્વાર્ટર FY23માં રૂ. 844.7 કરોડ આપ્યા હતા. જો કે, સપ્ટેમ્બર ક્વાર્ટરમાં રૂ. 500 કરોડના આંકડાની સરખામણીએ ડિસેમ્બર ક્વાર્ટરમાં જોગવાઈઓ વધુ રહી છે.