રણબીર કૂપરની ફિલ્મ ‘એનિમલ’નો રનટાઈમ ખૂબ જ ચર્ચામાં છે. છેલ્લા ઘણા વર્ષોથી ફિલ્મ 3 કલાકથી લાંબી નથી હોતી. પરંતુ એનિમલ આ સ્ટાન્ડર્ડ રન ટાઈમથી ખૂબ જ લાંબી છે. 15 વર્ષ બાદ આવી રહી છે આટલી લાંબી ફિલ્મ.
હિંદી ફિલ્મોના શૉમેન રાજ કપૂરના નામે એક અનોખી અચીવમેન્ટ છે. રાજ કપૂર, હિંદૂ ફિલ્મોના એક માત્ર એવા ડાયરેકટર છે જેમની બે ફિલ્મોમાં બે ઈન્ટરવલ હતા. આ ફિલ્મો હતી સંગમ અને મેરા નામ જોકર. બન્ને ફિલ્મોનો રન ટાઈમ 4 કલાકની નજીક હતો.
હવે એવો સંયોગ બન્યો છે કે રાજ કપૂરના પૌત્ર રણબીર કપૂર એક એવી ફિલ્મમાં હીરો છે જે કદાચ એક આખી જનરેશનના લોકો માટે સૌથી લાંબી ફિલ્મ સાબિત થશે. રણબીરની ફિલ્મ એનિમલ આ શુક્રવારે થિએટર્સમાં રિલીઝ થશે. ટીઝર-ટ્રેલર-ગીતનો માહોલ સેટ થઈ ચુક્યો છે અને જનતા રણબીરનો ગેંગસ્ટર અવતાર જેવા માટે એક્સાઈટેડ છે. આમ તો સિનેમા ફેન્સનો ફિલ્મ જોવાનો મૂડ બન્યા બાદ બીજી કોઈ વસ્તુ વિશે નથી વિચારતા. પરંતુ એનિમલની જે એક વસ્તુ પર લોકો થોડો એક્સ્ટ્રા વિચાર કરી રહ્યા છે તે છે ફિલ્મનો રનટાઈમ.
છેલ્લા 15 વર્ષમાં સૌથી લાંબી ફિલ્મ
એનિમલને સેન્સર બોર્ડ પાસેથી A એટલે કે એડલ્ટ રેટિંગ સાથે પાસ કરવામાં આવ્યું છે અને તેનો રન ટાઈમ 3.21 મિનિટનો છે. એટલે કે શાહરૂખ ખાનની જવાનથી લગભગ અડધો કલાક વધારે. હિંદીની સૌથી કમાઉ ફિલ્મ બની ચુકેલી જવાનના રન ટાઈમ પર સિનેમા ફેન્સે રિલીઝ પહેલા ઘણી ચર્ચા કરી હતી.
