હોલીવુડ અભિનેત્રી કેથરિન ઝેટા જોન્સને બોલીવુડમાં રસ પડ્યો

હોલીવુડ અભિનેત્રી કેથરીન ઝેટા-જોન્સએ ભારતીય આંતરરાષ્ટ્રીય ફિલ્મ મહોત્સવમાં ભાગ લીધો હતો . તેણે કહ્યું કે જ્યારે તે ભારત આવે છે ત્યારે તેને ઘરે આવવાનું મન થાય છે અને તેની પાછળ એક ખાસ કારણ છે. અભિનેત્રીએ કહ્યું- મારું સપનું છે કે બ્રિટિશ ફિલ્મ ઈન્ડસ્ટ્રી બોલિવૂડ જેવી ફિલ્મો બનાવે અને મને પણ તેમાં કાસ્ટ કરવામાં આવે.હોલીવુડ અભિનેત્રી કેથરીન ઝેટા-જોન્સે કહ્યું છે કે શાહરૂખ ખાનની ‘ઓમ શાંતિ ઓમ’ અને ‘ધ લંચ બોક્સ’ તેની પ્રિય બોલિવૂડ ફિલ્મો છે. તેના પુત્ર અને તેના શાળાના મિત્રોએ પણ શાહરૂખ ખાન સ્ટારર ફિલ્મ જોઈ છે. હોલીવુડ અભિનેત્રી સોમવારે ઈન્ટરનેશનલ ફિલ્મ ફેસ્ટિવલ ઓફ ઈન્ડિયામાં તેના પતિ માઈકલ ડગ્લાસ સાથે જોવા મળી હતી. મંગળવારે ફેસ્ટિવલના સમાપન સમારોહમાં ડગ્લાસને સત્યજીત રે લાઈફટાઈમ અચીવમેન્ટ એવોર્ડ આપવામાં આવ્યો હતો.ઝેટા-જોન્સ રિતેશ બત્રાની ‘ધ લંચબૉક્સ’ની પણ ચાહક છે, જેમાં દિવંગત અભિનેતા ઈરફાન ખાન, નિમરત કૌર અને નવાઝુદ્દીન સિદ્દીકી અભિનય કરે છે.મારું સપનું છે કે બ્રિટિશ ફિલ્મ ઈન્ડસ્ટ્રી બોલિવૂડ જેવી ફિલ્મો બનાવે.અહીં પત્રકારો સાથે વાત કરતા તેણીએ કહ્યું, ‘હું હંમેશાથી બોલિવૂડની મોટી ચાહક રહી છું અને ગાયક અને નૃત્યાંગના હોવાને કારણે મારું સપનું છે કે બ્રિટિશ ફિલ્મ ઈન્ડસ્ટ્રી બોલિવૂડ જેવી ફિલ્મો બનાવે અને મને પણ તેમાં કાસ્ટ કરવામાં આવે.’