સુપ્રીમ કોર્ટના નવા ચીફ જસ્ટીસ તરીકે જગદીશસિંહ કેહરની પસંદગી.

જસ્ટિસ જગદીશસિંહ કેહર દેશના 44માં ચીફ જસ્ટીસ બનશે. તેમને ૪ જાન્યુઆરી, ૨૦૧૭ ના રોજ રાષ્ટ્રપતિ પ્રણવ મુખર્જી દ્વારા શપથ આપવામાં આવશે. કેન્દ્રીય કાનુનમંત્રી રવિશંકર પ્રસાદે ચીફ જસ્ટીસ ટી.એસ.ઠાકુરને તેમના અનુગામી પસંદ કરવા કહ્યું હતું તે મુજબ નિર્ણયની જાહેરાત થઈ. તેઓ પંજાબ અને હરિયાણા હાઇકોર્ટ, ઉત્તરાખંડ હાઇકોર્ટ અને કર્ણાટક હાઇકોર્ટમાં ચીફ જસ્ટિસ રહી ચુક્યા છે. અનેક પ્રકારે સેવા આપી ચુકેલા જગદીશસિંહ કેહર 13 સપ્ટેમ્બર 2011થી સુપ્રીમ કોર્ટ જસ્ટીસ તરીકે નિમાયા હતાં. ચોથી જાન્યુઆરીએ સુપ્રીમ કોર્ટના ચીફ જસ્ટીસ તરીકે શપથવિધિ લેશે. તેમનો કાર્યકાળ 4 ઓગસ્ટ 2017 સુધીનો જ રહેશે.