ભરૂચ ના મુલદ પાસે આવેલ કેબલ બ્રિજ ના ટોલ ટેક્સ પર અજાણ્યા શખ્સોએ ધસી આવી ટોલ બૂથ ની ઓફીસ માં તોડફોડ કરી તેમજ ટોલ કર્મચારી ઓ સાથે મારામારી કરી લૂંટ કરતા ભારે ખળભળાટ વ્યાપી ગયો હતો. સમગ્ર ઘટના માં 5-6 લોકો ને ઈજાઓ પહોંચી હતી.બનાવ અંગે ની મળતી માહિતી મુજબ ભરૂચ નેશનલ હાઇવે ઉપર આવેલ મુલદ ગામ ખાતે ના નવા કેબલ બ્રિજ ટોલ ટેક્સ ઉપર રાત્રી ના સમયે કેટલાક ઇશમો પાઇપ અને ડંડા સાથે અચાનક દોડી આવી ટોલ ટેક્સ ની ઓફીસ તેમજ ટોલ કર્મચારીઓ ઉપર હિંસક હુમલો કરી રોકડ ની લૂંટ કરતા એક સમયે ભારે નાશભાગ સાથે ટોલ ટેક્સ નું વાતાવરણ તંગ બન્યું હતું. ટોલ કર્મચારીઓ કંઈ સમજે પહેલા મારક હથિયારો સાથે ધસી આવેલા ટોળા એ ઉપસ્થીત લોકો ને તેમજ સ્થળ ઉપર ના સામાન અને ઓફીસ ના કાંચ સહીત ની વસ્તુ ઓ ઉપર હુમલો કરી કાયદા ના ખોફ વગર બિન્દાશ અંદાજ માં સ્થળ ઉપર થી પલાયન થવામાં સફળ રહ્યા હતા. તો બીજી તરફ ઘટના અંગે ની જાણ ટોલ ટેક્સ ના કરતાહર્તાઓને થતા તેઓએ તાત્કાલિક સ્થળ ઉપર દોડી જઇ ઘટના અંગે ની જાણ પોલીસ મથકે કરી ઘટના માં ઇજાગ્રસ્ત થયેલા કર્મચારી ઓને તાત્કાલિક સારવાર અર્થે ખસેડવામાં હતા.અત્રે ઉલ્લેખનીય છે કે મારક હથીયારો વડે ધસી આવેલા શખ્સોની તમામ હરકતો નજીક માં લગાવાયેલ સીસીટીવી કેમેરા માં કેદ થવા પામી હતી જેમાં સ્પષ્ટ પણે કેટલાક ઇશ્મો ટોલબૂથ ની ઓફિસ તરફ હાથ માં હથિયારો સાથે ધસી આવી ઉપસ્થીત કર્મચારી ઓને બાન માં લઇ કાયદા ના ખોફ વિના ગુંડા તત્વો તોડફોડ કરી આતંક મચાવતા નજરે પડી રહ્યા હતા.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.