મોંઘવારીના ડામ માટે તૈયાર રહો, પેટ્રોલ 83 અને ડીઝલ 74એ પહોંચશે

દેશભરમાં પેટ્રોલ અને ડીઝલના ભાવ અત્યારે હાઇ સપાટી પર પહોંચી ગયા છે, જો કે ભાવમાં હજુ વધારો આવી શકે છે. આંતરરાષ્ટ્રીય બજારમાં સતત વધી રહેલ કાચા તેલની કિંમતને કારણે થઇ શકે છે. જૂન 2017 બાદ આંતરરાષ્ટ્રીય બજારમાં કાચા તેલની કિંમતમાં 50 ટકાથી વધુનો ભાવવધારો જોવા મળ્યો છે. હાલમાં જ થયેલા એક સર્વે મુજબ, ચાલુ વર્ષે કાચા તેલ 12 ટકા મોંઘાં થઇ શકે છે.
હાલ દિલ્હીમાં પેટ્રોલની કિંમત 73.31 રૂપિયા પ્રતિ લીટર છે. જ્યારે ડીઝલની કિંમત 64.14 રૂપિયા છે. એક અંદાજા મુજબ જો કાચું તેલ 12 ટકા મોંઘુ થાય તો દિલ્હીમાં પેટ્રોલ 83 રૂપિયા પ્રતિ લીટર અને ડીઝલ 74 રૂપિયે પહોંચી જશે. તેલની કિંમત સીધી જ આંતરરાષ્ટ્રી બજાર સાથે જોડાયેલી હોવાથી ઘરેલૂ બજારમાં પણ તેની અસર થશે. દરરોજ થતા વધારા-ઘટાડા પર નજર નાખીએ તો 24 માર્ચે દિલ્હીમાં પેટ્રોલની કિંમત 72.03 રૂપિયા પ્રતિ લીટર હતી અને ડીઝલની કિંમત 63.01 રૂપિયા હતી. પેટ્રોલ-ડીઝલ પર થઇ રહેલા આ ભાવ વધારાના પગલે સામાન્ય માણસ પર સતત મોંઘવારીનો બોજ પડી રહ્યો છે.
કોમોડિટી માર્કેટ એક્સપર્ટ વી. ચંદ્રશેખરનું કહેવું છે કે, ‘બ્રેંટ ક્રૂડ 0.5 ટકાની મજબૂતી સાથે 70.9 ડોલર પ્રતિ બેરલની સપાટીએ પહોંચી ગયું છે. જે 80 લર પ્રતિ બેરલે પહોંચે તેવી શક્યતા છે. આંતરરાષ્ટ્રીય માર્કેટમાં જે રેટ હશે તે હિસાબે ઘરેલૂ માર્કેટમાં રિટેલ રેટ નક્કી થશે
પેટ્રોલ-ડીઝલ પર ટેક્સની ભરમાર છે. આના પર લાગતા ટેક્સ એક્ચ્યુઅલ કિંમતથી વધુ હોય છે. જો ક્રૂડની કિંમત 68થી 69 પ્રતિ બેરલ હોય અને ડોલરના મુકાબલે રૂપિયો 64થી 65ની રેંજમાં છે ત્યારે દિલ્હીમાં એક લીટર પેટ્રોલની કિંમત 35 રૂપિયા હશે. જેમાં ડીલરનું કમિશન પણ સામેલ છે. જો કે આ કિંમતમાં 27 ટકા વેટ (15 રૂપિયા) અને 22 રૂપિયા એક્સાઇઝ ડ્યૂટી લાગે છે. એટલે કે કુલ ટેક્સના 60 ટકા એક્સાઇઝ ડ્યૂટી લાગશે. આવી રીતે 35 રૂપિયાનં પેટ્રોલ અંદાજીત 70 રૂપિયાને પાર ચાલ્યું જશે.