Myopia Symptoms: આંખો શરીરનું સંવેદનશીલ અંગ હોય છે. જો તેમાં સહેજ પણ સમસ્યા હોય તો તરત જ એલર્ટ થવાની જરૂર છે. આજની લાઈફસ્ટાઈલમાં મોબાઈલનો ઉપયોગ એક મોટો ભાગ બની ગયો છે. લેપટોપ, ટીવી અને અન્ય ડિજિટલ સ્ક્રીનનો ઉપયોગ થાય છે. વયસ્ક ઉપરાંત બાળકોના હાથમાં પણ મોબાઈલ જોવા મળે છે. બાળકો કાં તો મોબાઈલ પર ગેમ રમે છે અથવા તેમની પસંદગીના કાર્ટૂન જુએ છે. પરંતુ શું તમે જાણો છો કે બાળકોનો આ શોખ તેમની આંખોને પણ બીમાર કરી રહ્યો છે. બાળકો હવે આંખની બીમારીનો શિકાર બની રહ્યા છે.
બાળકોમાં જોવા મળી રહી છે માયોપિયા બીમારી
બાળકો મોબાઈલ જેવી નાની સ્ક્રીનનો ખૂબ જ નજીકથી ઉપયોગ કરી રહ્યા છે. આવી સ્થિતિમાં માયોપિયા રોગ તેમને પોતાની ઝપેટમાં લઈ રહ્યો છે. ડોકટરો કહે છે કે બાળકોમાં દોશમાયોપિયા છે. તેમાં બાળકની આંખના પ્યુપિલના કદમાં વધારો થવાને કારણે છબી રેટિનાને બદલે થોડી આગળ બને છે. તેમને દૂરની વસ્તુઓ જોવામાં સમસ્યા થાય છે. ઘણા સંશોધનોમાં સામે આવ્યું છે કે, નાની ડિજિટલ સ્ક્રીન આંખો અને ચશ્મા પહેરનારા બાળકો માટે અત્યંત જોખમી છે. તેમની સંખ્યા ખૂબ જ ઝડપથી વધી રહી છે.
માયોપિયાના લક્ષણ
વારંવાર આંખો મીંચવી, દૂરની વસ્તુઓ સ્પષ્ટ રીતે ન દેખાવી, જોવામાં તકલીફ, માથાનો દુખાવો, આંખોમાં પાણી આવવું, ક્લાસરૂમમાં બ્લેક બોર્ડ કે વ્હાઇટ બોર્ડ પર બરાબર ન જોઈ શકવું, પુસ્તકોના અક્ષરો સ્પષ્ટ ના દેખાવા સામેલ છે.
માતા – પિતા આવી રીતે લે કાળજી
બાળકો જ્યાં ભણતા હોય ત્યાં પ્રોપર લાઇટિંગ હોવી જોઇએ. બાળકોને મોબાઈલ ઉપયોગ કરવા માટે ઓછામાં ઓછો આપો, જો અભ્યાસ માટે ડિજિટલ સ્ક્રીન આપવી હોય તો મોબાઈલને બદલે લેપટોપ આપો, સૂર્યપ્રકાશ લો, ડ્રાય ફ્રૂટ્સ, પૌષ્ટિક આહાર, વિટામિન એથી ભરપૂર આહાર બાળકોને આપો.
