દક્ષિણ કોરિયાની કાર મેન્યુફેક્ટરિંગ હ્યુન્ડાઈએ તેની પોપ્યુલર સેડાન કાર હ્યુન્ડાઈ સોનાટાનો નવો અવતાર લોન્ચ કર્યો છે. આ આઠમી જનરેશનની સેડાનને એક્સટીરીયર અને ઈન્ટીરીયરમાં ઘણા મોટા અપડેટ સાથે રજૂ કરવામાં આવી છે. હાલમાં, કંપનીએ તેને ફક્ત પ્રદર્શિત કરી છે, તેને 30 માર્ચ, 2023થી શરૂ થતા સિયોલ ઓટો શોમાં લોન્ચ કરવામાં આવશે. કંપનીનું કહેવું છે કે નવી સોનાટાને હ્યુન્ડાઈ મોટરની ‘સેન્સ્યુઅસ સ્પોર્ટીનેસ’ ડિઝાઇન ફિલોસોફી પર ડિઝાઇન કરવામાં આવી છે. કંપનીએ નવા સોનાટામાં ઘણા મોટા ફેરફાર કર્યા છે.
આપને જણાવી દઈએ કે 2015માં જેનેસિસ લક્ઝરી બ્રાન્ડ લોન્ચ થઈ તે પહેલા સોનાટા કંપનીની મેઇન ફ્લેગશિપ સેડાન કાર હતી. હાલમાં, સોનાટાની 8મી જનરેશન ગ્લોબલ માર્કેટમાં ચાલી રહી છે, જે વર્ષ 2020માં લોન્ચ કરવામાં આવી હતી. લગભગ ત્રણ વર્ષ પછી, હ્યુન્ડાઈએ તેને એક અપડેટ આપ્યું છે જે આસાન ફેસલિફ્ટ કરતાં વધુ છે.
નવી હ્યુન્ડાઇ સોનાટાની ડિઝાઇન
નવી સોનાટાના એક્સટીરિયરને પ્રીમિયમ લુક આપવાની સાથે કંપનીએ તેને સ્પોર્ટી પણ બનાવી છે. સેડાન એન-લાઇન આધારિત એક્સર્ટનલ ડિઝાઇન સાથે આવે છે જેમાં લાંબા હૂડ, લો ફ્રન્ટ-એન્ડ અને ફાસ્ટબેક રૂફ લાઇન સાથે સ્પોર્ટ્સ કૂપ સ્ટાઇલના ફિચર્સ છે. કારને હોરિઝોન્ટલ ફ્રન્ટ-એન્ડ લેઆઉટ મળે છે જે હ્યુન્ડાઈના સિગ્નેચર સીમલેસ હોરીઝોન લેમ્પ્સ, હિડન હેડલેમ્પ્સ, પહોળી ગ્રિલ અને એર ઇન્ટેકને ઇન્ટીગ્રેટ કરે છે.
સૌથી વધુ ધ્યાન ખેંચે તેવી બાબત એ છે કે કારની ફ્રન્ટ ગ્રિલની ઉપરની સંપૂર્ણ પહોળાઈની LED લાઇટ સ્ટ્રીપ છે. આમાં ગ્રિલ અને હેડલાઇટને નવો શેપ આપવામાં આવ્યો છે. આ સિવાય ટેલલાઇટને પણ આવી જ નવી ડિઝાઇન આપવામાં આવી છે. કંપનીએ આ કારના સ્ટાન્ડર્ડ અને એન-લાઈન બંને વેરિઅન્ટ લોન્ચ કર્યા છે અને બંનેમાં એલોય વ્હીલ્સની અલગ-અલગ ડિઝાઈન છે.
કાર કેબિન
નવી હ્યુન્ડાઈ સોનાટાની કેબિન એડવાન્સ ફિચર્સથી સજ્જ કરવામાં આવી છે, તેમાં પેનોરેમિક ડિસ્પ્લે આપવામાં આવી છે જે એડવાન્સ ટેક્નોલોજીથી સજ્જ ડેશબોર્ડ લેઆઉટમાં 12.3-ઇંચ ડ્રાઇવર માહિતી ક્લસ્ટર અને 12.3-ઇંચ AVN ઇન્ફોટેનમેન્ટ સિસ્ટમ બંને સાથે આવે છે. ઈન્સ્ટ્રુમેન્ટ પેનલ પર લગાવવામાં આવેલ ટચ-ટાઈપ ક્લાઈમેટ કંટ્રોલ યુનિટ આ કારને હાઈટેક બનાવે છે.
હ્યુન્ડાઈનું કહેવું છે કે આકર્ષક ઈન્ટિરિયર કલર કોમ્બિનેશન સાથે બહેતર પેસેન્જર અનુભવ માટે સેડાનની કેબિનને નોંધપાત્ર અપગ્રેડ આપવામાં આવી છે. કારના સેન્ટર કન્સોલમાં આર્મરેસ્ટ આપવામાં આવ્યું છે, આ સિવાય મોટી સાઈઝના કપ હોલ્ડર અને ટ્રે વગેરે તમને વધુ સ્ટોરેજ પ્રોવાઇડ કરે છે. સ્ટીયરીંગ વ્હીલ પણ નવું છે, અને કેન્દ્ર કન્સોલ માટે માર્ગ બનાવવા માટે ગિયરશિફ્ટને સ્ટીયરીંગ કોલમમાં ખસેડવામાં આવી છે.
આ કારના લોન્ચિંગ સમયે તેના એન્જીન વગેરે વિશે અન્ય માહિતી સામે આવશે. પરંતુ એવું માનવામાં આવે છે કે તેના એન્જિનમાં કોઈ મોટો ફેરફાર કરવામાં આવશે નહીં. હાલમાં, આ સેડાનમાં એન લાઇન માટે 2.5-લિટર ઇનલાઇન-ફોર, ટર્બોચાર્જ્ડ 1.6-લિટર ઇનલાઇન-ફોર, ટર્બોચાર્જ્ડ 2.5-લિટર ઇનલાઇન-ફોર હાઇબ્રિડ એન્જિનનો ઓપ્શન મળે છે.
જો કે, ભારતીય માર્કેટમાં તેની રજૂઆત વિશે અત્યારે કોઈ માહિતી નથી. કારનો આગળનો ભાગ ભારતીય માર્કેટમાં તાજેતરમાં જ લોન્ચ થયેલી Hyundai Verna જેવો જ છે. કંપનીએ હાલમાં જ તેની નેક્સ્ટ જનરેશન હ્યુન્ડાઈ વર્નાને અહીંના માર્કેટમાં રૂ. 10.89 લાખની પ્રારંભિક કિંમતે લોન્ચ કરી હતી. આ કારને બે પેટ્રોલ એન્જિન વિકલ્પો સાથે રજૂ કરવામાં આવી છે, જેમાં 1.5 લિટર નેચરલ એસ્પિરેટેડ અને 1.5 લિટર ટર્બો GDi પેટ્રોલ એન્જિનનો ઓપ્શન ઉપલબ્ધ છે.
