રાજકોટનો કુખ્યાત બલી ડાંગર ઝડપાયો.

રાજકોટ સહીત આસપાસના વિસ્તારોમાં ૨૫ કરતા વધુ ગુનાઓમાં સંડોવાયેલા ફરાર બલી ડાંગરને પોલીસે રાજકોટ- અમદાવાદ બેટી ગામ નજીક હાઇવે ઉપરથી દબોચી લીધો હતો.
દોઢ વર્ષ અગાઉ પેરોલ જંપ મારનાર બલી ડાંગર ધાક-ધમકી- મારામારી સહીત ખેડૂતોની જમીનો પડાવી લેવા ઉપરાંત ફાયરીંગ કરવા જેવા ગંભીર ગૂનાઓમાં સંડોવાયેલો છે અને ૪ વખત પાસામાં જઈ ચુક્યો છે.
પોલીસ માટે માથાનો દુઃખાવો બનેલા બલી ડાંગરને ઝડપી પાડવા પોલીસ ઘણા જ સમયથી પ્રયાસ કરતી હતી પરંતુ દરવખતે લોકેશન બદલતો હોવાથી આસાનીથી હાથમાં આવતો ન હતો. દરમ્યાન અમદાવાદ રાજકોટ હાઇવે ઉપરથી આખરે તેના ચાર સાગરીતો સાથે બલી ડાંગરને પોલીસે દબોચી લીધો હતો.
આ અંગે રાજકોટ પોલીસ કમિશનર ગેહલોતે એક પત્રકાર પરિષદમાં જણાવ્યું હતું કે રાજકોટ પોલીસની આ અંગે સ્થાનિક કક્ષાએ મોટી સફળતા છે. અને હવે કેટલાક ગૂનાનો ભેદ ઉકેલાશે.