જો તમે હવાઇ સફર કરવા માગતા હોવ તો અત્યારે ઉત્તમ સમય છે. પોતાના બિગ સેલ અંતર્ગત મલેશિયાઇ કંપની એર એશિયાએ ફ્લાઇટ ટિકિટની કિંમતોમાં 90 ટકાની છૂટ આપવાની જાહેરાત કરી છે. ઉપરાંત બિગ સેલ અંતર્ગત કંપની પોતાના બિગ મેમ્બર્સને ગિફ્ટ અને અન્ય સુવિધા પણ આપી રહી છે. એર એશિયાની વેબસાઇટ પર સ્કીમ અંગેની માહિતી આપવામાં આવી છે. આ ઑફરનો લાભ લેવા માટે તમારે એર એશિયાની મોબાઇલ એપ ‘AirAsia Big’ ડાઉનલોડ કરવી પડશે. 11 માર્ચ 2018 સુધી સ્કીમનો લાભ ઉઠાવી શકશો અને 3 સપ્ટેમ્બર 2018થી 28 મે 2019 સુધી મુસાફરી કરી શકશો. એર એશિયા મુજબ એર એશિયાના બિગ મેમ્બર્સ માટે બિગ લૉયલ્ટી સ્કીમ એક પ્રકારનો રિવોર્ડ પ્રોગ્રામ છે. જેમાં બિગ એપના મેમ્બરને એક બિગ મેમ્બર આઇડી આપવામાં આવ્યું હશે જેનાથી બિગ લૉયલ્ટી અંતર્ગત બિગ પોઇન્ટ મેળવવાના રહેશે. પોતાની નવી ઑફરને લઇને એર એશિયાએ કહ્યું કે નવી ઑફર અંતર્ગત કંપનીએ 90 ટકાની છૂટ આપવાનો નિર્ણય લીધો છે. ઉપરાંત બિગ મેમ્બર્સને એક્સક્લુઝિવ ઑફર્સ, ગિફ્ટ્સ ઉપરા્ંત અનેક ફાયદા આપવાની યોજના છે. એર એશિયાએ કહ્યું કે ઉપયોગકર્તા બિગ સેલમાં ભાગ લે અને દર મહિને ફ્લાઇટ ટિકિટનો 90 ટકા ખર્ચો બચાવવા માટે એર એશિયાના ફાઇનલ કોલની રાહ જુઓ. દુનિયાભારના 120 સ્થળેથી આ ઑફરનો લાભ ઉઠાવી શકાશે. એર એશિયાની ઑફિશિયલ વેબસાઇટ airasia.com પરથી ફ્લાઇટ બૂક કરાવી શકશો. આ ઑફર ‘airasia big’ મેમ્બર્સ માટે જ છે જેનો લાભ માત્ર બિગ લૉયલ્ટી એપ દ્વારા જ લઇ શકાશે.
Dipal
Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.