હાર્દિક પટેલ ગુરુવારે ભાજપનું સભ્યપદ લેવા જઈ રહ્યો છે. હવે એવા અહેવાલ છે કે ભાજપના નેતાઓનો એક વર્ગ પટેલના આગમનને લઈને અસંતોષ વ્યક્ત કરી રહ્યો છે. નેતાઓનું કહેવું છે કે હાર્દિક પટેલે ભાજપને ઘણું નુકસાન કર્યું છે. પટેલે મંગળવારે ભાજપમાં જોડાવાની જાહેરાત કરી હતી. તાજેતરમાં જ તેમણે ટ્વીટ કરીને કોંગ્રેસના સભ્યપદેથી રાજીનામું આપી દીધું હતું અને વચગાળાના પ્રમુખ સોનિયા ગાંધીને પત્ર પણ લખ્યો હતો.
મીડિયા રિપોર્ટ અનુસાર, બીજેપીના એક વરિષ્ઠ કાર્યકર્તાએ કહ્યું છે કે, ‘કોંગ્રેસના નેતાઓના ભાજપમાં જોડાવા સામે અમને કોઈ વાંધો નથી, પરંતુ હાર્દિક પટેલે પાર્ટીને નુકસાન પહોંચાડ્યું છે. ગ્રાસરૂટ લેવલના કાર્યકરોથી લઈને ટોચના નેતાઓ સુધી મોટાભાગના લોકો તેને (હાર્દિક) ભાજપમાં નથી ઈચ્છતા. 
કેટલાક જૂના વીડિયો પણ વાયરલ થઈ રહ્યા છે, જેમાં હાર્દિક પટેલ કહી રહ્યો છે કે તે બીજેપી સામે ક્યારેય ‘સરેન્ડર’ નહીં કરે. અહેવાલો અનુસાર, પાટીદાર આંદોલનના કારણે ભૂતપૂર્વ સીએમ આનંદીબેન પટેલે તેમની ખુરશી ગુમાવી હતી અને ભાજપના કેટલાક વરિષ્ઠ સભ્યોના ઘરો અને કાર્યાલયોને નિશાન બનાવવામાં આવ્યા હતા.
પટેલની આગેવાની હેઠળની પાટીદાર અનામત આંદોલન સમિતિ (PAAS)ને તોડફોડ માટે જવાબદાર ઠેરવવામાં આવી હતી. તમને જણાવી દઈએ કે વર્ષ 2015માં ક્વોટા આંદોલન દ્વારા ચર્ચામાં આવેલા પટેલ 2019માં કોંગ્રેસ પાર્ટીમાં જોડાયા હતા. એક વર્ષ પછી, તેઓ ગુજરાત કોંગ્રેસના કાર્યકારી અધ્યક્ષ તરીકે પણ નિયુક્ત થયા. જો કે, આ દાવ લાંબો સમય ચાલ્યો ન હતો અને પાર્ટી નેતૃત્વ અને રાજ્યના નેતાઓની નારાજગી વચ્ચે તેણે તાજેતરમાં કોંગ્રેસ છોડવાનો નિર્ણય લીધો હતો.
