એન્ફોર્સમેન્ટ ડિરેક્ટોરેટ (ED) એ નેશનલ હેરાલ્ડ કેસમાં કોંગ્રેસના વચગાળાના અધ્યક્ષ સોનિયા ગાંધી અને રાહુલ ગાંધીને સમન્સ પાઠવ્યા છે. EDએ બંને નેતાઓને પૂછપરછ માટે બોલાવ્યા છે અને કહેવામાં આવી રહ્યું છે કે 8 જૂને તેમની પૂછપરછ કરવામાં આવશે.
સોનિયા ગાંધી EDના સવાલોના જવાબ આપશે
EDની કાર્યવાહી પર કોંગ્રેસના નેતા અને વરિષ્ઠ વકીલ અભિષેક મનુ સિંઘવીએ કહ્યું કે સરકાર બદલાની ભાવનામાં આંધળી બની ગઈ છે. અમે ઝૂકીશું નહીં અને તેનો સામનો કરીશું. તેમણે કહ્યું છે કે સોનિયા ગાંધી પોતે ED ઓફિસમાં જશે અને તમામ પ્રશ્નોના જવાબ આપશે.
અગાઉ પવન બંસલની પૂછપરછ કરવામાં આવી હતી
નેશનલ હેરાલ્ડ કેસ સંબંધિત મની લોન્ડરિંગ કેસમાં એન્ફોર્સમેન્ટ ડિરેક્ટોરેટ (ED) દ્વારા કોંગ્રેસના નેતા પવન બંસલની પૂછપરછ કરવામાં આવી હતી. આ દરમિયાન પવન બંસલ પાસેથી નાણાકીય વ્યવહારો સહિત અનેક પાસાઓ અંગે પ્રશ્નો પૂછવામાં આવ્યા હતા.
