સુરતમાં AAP અને BJPના કાર્યકરો વચ્ચે મારામારીના સમાચાર છે. AAP કાર્યકર્તાઓ અહી ભાજપ કાર્યાલયનો ઘેરાવ કરવા આવ્યા હતા. આ દરમિયાન ઝઘડો થયો અને તેઓ એકબીજા સાથે અથડાયા..
ગુજરાતના સુરતમાં આમ આદમી પાર્ટીના કાર્યકર્તાઓને માર મારવાના મામલામાં દિલ્હીના મુખ્યમંત્રી અને પાર્ટી કન્વીનર અરવિંદ કેજરીવાલે ભાજપ સરકાર પર આકરા પ્રહારો કર્યા હતા. કેજરીવાલે ટ્વીટ કરીને હુમલાખોરોને ગુંડા અને લફંગા કહ્યા છે. આ ઘટના અંગે કેજરીવાલે ટ્વિટર પર એક પત્ર પણ શેર કર્યો છે. જેમાં તેમણે પાર્ટી કાર્યકર્તાઓને અહિંસક વિરોધ કરવા માટે પ્રોત્સાહિત કર્યા છે.
AAPના 13 નેતાઓ સામે કેસ..
આ ઘટના બાદ પોલીસે આમ આદમી પાર્ટીના 13 કાર્યકરોની અટકાયત કરી છે. પોલીસે AAP પ્રમુખ ગોપાલ ઈટાલિયા સહિત 13 લોકો સામે ઝપાઝપી માટે કેસ નોંધ્યો છે. જોકે, બાદમાં ધરપકડ કરાયેલા AAP નેતાઓને જામીન મળી ગયા હતા.
વિવાદમાં AAPના બે નેતાઓ ઘાયલ
કહેવાય છે કે આ સમગ્ર હંગામામાં આમ આદમી પાર્ટીના બે કાર્યકર્તાઓ ખરાબ રીતે ઘાયલ થયા છે. આ પહેલા આમ આદમી પાર્ટીના નેતાઓએ ભાજપ કાર્યાલયમાં હંગામો મચાવ્યો હતો. આ ઘટના બાદ AAP નેતાને 10 દિવસથી વધુ જેલમાં રહેવું પડ્યું હતું.
