નડિયાદ નજીકના ગામે 10 વર્ષના બાળક સાથે સૃષ્ટિ વિરુદ્ધનું કૃત્ય કરનાર બે ઝડપાયા

રાજ્યમાં યુવતીઓ અને મહિલાઓ ઉપર દુષ્કર્મના બનાવો વધી રહયા છે ત્યારે હવેતો નાના બાળકો પણ સલામત રહયા નથી.
નડિયાદ તાલુકાના એક ગામમાં 10 વર્ષીય બાળકને ઉઠાવી જઇ તેની શાળામાં ભણતા બે 16 અને 17 વર્ષના મુસ્લિમ મિત્રોએ ભેગા મળી બે પૈકી એક કિશોરે સૃષ્ટિ વિરૂદ્ધનું કૃત્ય આચર્યું હતું, જ્યારે અન્ય કિશોરે મદદગારી કરી હોવાનું પોલીસ સૂત્રો તરફથી જાણવા મળ્યું છે.
આ બાબતે ભોગ બનનારા બાળકે તેના કાકાને વાત કરતા ચોંકી ઉઠેલા બાળકના કાકાએ ભોગ બનનાર બાળકના પિતાને વાત કરતાં સમગ્ર મામલો બહાર આવતા ઘટના અંગે ચકલાસી પોલીસને જાણ કરાતા પોલીસે ગુનો દાખલ કરી બે કિશોર આરોપીઓને ઝડપીને લીધા હતા અને કાર્યવાહી હાથ ધરી છે. ઘટનાને પગલે ભોગ બનનારા કિશોરનો મેડીકલ ચેકઅપ કરવામાં આવ્યુ હતું, સૃષ્ટિ વિરૂદ્ધનું કૃત્ય આચરનારા આરોપી કિશોરોને જુવેનાઈલ કોર્ટમાં રજૂ કરવામાં આવ્યા હતા.
આ બનાવ ને લઈ સ્થાનિક વિસ્તારમાં ભારે ચકચાર મચી ગઇ છે.