જે ચીનથી કોરોના વાયરસ નિકળ્યો ત્યાં એક વખત ફરીથી તેનો પ્રકોપ જોવા મળી રહ્યો છે. ચીનની એક યૂનિવર્સિટીમાં કોરોનાનો સંક્રમણ વધ્યા પછી ત્યાંના લગભગ 1500થી વધારે વિદ્યાર્થીઓને હોટલમાં આઈસોલેટ કરી દેવામાં આવ્યા છે.
ન્યૂઝ એજન્સી અનુસાર ચીનના દાલિયાન પ્રાંતના નોર્થ-વેસ્ટર્ન સિટીમાં સ્થિત ઝૂંગાઝે યૂનિવર્સિટીમાં રવિવારે કોરોનાના એક ડઝનથી વધારે કેસ સામે આવ્યા છે. તે પછી યૂનિવર્સિટી કેમ્પસને સીલ કરી દીધો છે, સાથે જ વિદ્યાર્થીઓને મોનિટરિંગ માટે હોટલમાં મોકલી દેવામાં આવ્યા છે. વિદ્યાર્થીઓ પાસે ઓનલાઈન ક્લાસ એટેન્ડ કરાવવામાં આવી રહ્યાં છે.
ચીન સતત કોરોનાને લઈને જીરો ટોલરેન્સની નીતિ અપનાવી રહ્યું છે. જ્યાં પણ કોરોનાના થોડા એવા પણ કેસ સામે આવે છે, ચીન તરત જ તે વિસ્તારમાં લોકડાઉન લગાવી દે છે. ક્વોરન્ટાઈન, ટેસ્ટિંગ અને ટ્રાવેલ પર રિસ્ટ્રિક્શન ત્યાંની મોટાભાગની આબાદી માટે હવે નોર્મલ બની ગયું છે. ચીનમાં કોરોના વિરૂદ્ધ વેક્સિનેશન અભિયાન પણ ઝડપી ચાલી રહ્યું છે. તેની સાથે જ ત્યાં હવે બૂસ્ટર ડોઝ પણ લગાવવાની તૈયારીઓ ચાલી રહી છે.
