મુંબઈ: અભિનેત્રી શિલ્પા શેટ્ટીના પતિ રાજ કુન્દ્રાને કોર્ટે પોર્નોગ્રાફિક ફિલ્મ બનાવવાના આરોપમાં જામીન આપ્યા છે. રાજ 2 મહિના સુધી જેલમાં રહ્યો અને હવે તેને જામીન મળ્યા છે.
રાજે શનિવારે વિનંતી કરી હતી કે, તેને આ કેસમાં બલિનો બકરો બનાવવામાં આવ્યો છે અને ચાર્જશીટમાં એવો કોઈ પુરાવો નથી કે તે સતત પોર્ન સામગ્રી બનાવવામાં સામેલ છે. 19 જુલાઇના રોજ આ કેસમાં ક્રાઇમ બ્રાન્ચ દ્વારા ધરપકડ કરવામાં આવી હતી.
અગાઉ, કુન્દ્રાએ દલીલ કરી હતી કે હોટશોટ એપ સામે તેને જોડવાના કોઈ પુરાવા નથી અને તેને ‘બલિનો બકરો’ બનાવવામાં આવી રહ્યો છે.
કહેવામાં આવી રહ્યું છે કે રાજ કુંદ્રા 21 સપ્ટેમ્બર મંગળવારે સવારે 10 વાગ્યા બાદ આર્થર રોડ જેલમાંથી બહાર આવશે.
શિલ્પાએ પોલીસને જણાવ્યું કે તે રાજની ગતિવિધિઓથી વાકેફ નથી.
મુંબઈ પોલીસ માને છે કે રાજ પોર્ન ફિલ્મોના નિર્માણમાં સક્રિયપણે સામેલ હતો અને તેની સામે મજબૂત ઇલેક્ટ્રોનિક પુરાવા હોવાનો દાવો કર્યો હતો, જ્યારે ચાર્જશીટ મુજબ રાજની પત્ની શિલ્પાએ પોલીસને જણાવ્યું હતું કે રાજની ચાર્જશીટ મુજબ શિલ્પાએ કહ્યું હતું કે, ‘હું મારા કામમાં વ્યસ્ત હતી અને રાજ કુન્દ્રા શું કરી રહ્યા હતા તેનો મને ખ્યાલ નહોતો.’