મુંબઈ: બોલિવૂડ અભિનેતા ફરહાન અખ્તરની ફિલ્મ ‘તુફાન’ને પ્રેક્ષકોએ પોતાનો પ્રેમ આપ્યો. અખ્તર આ ફિલ્મની સફળતાથી ગદગદિત છે. ફરહાને તેની આગામી ફિલ્મ ‘યુધરા’નું નિર્માણ શરૂ કર્યું છે. રિતેશ સિધવાની અને ફરહાન અખ્તર સંયુક્ત રીતે આ ફિલ્મ બનાવી રહ્યા છે. ફિલ્મ ‘યુધરા’નું શૂટિંગ 19 ઓગસ્ટ,ગુરુવારથી શરૂ થયું છે. આ ફિલ્મમાં અભિનેતા સિદ્ધાંત ચતુર્વેદી પ્રથમ વખત જબરદસ્ત એક્શન કરતા જોવા મળશે.
માલવિકા મોહનન આ ફિલ્મમાં મુખ્ય અભિનેત્રીની ભૂમિકા ભજવશે. તે સિદ્ધાંત સાથે રોમાન્સ કરતી જોવા મળશે. ફિલ્મના શૂટિંગ માટે મુહૂર્ત ગુરુવારે થયું. સિદ્ધાંત ચતુર્વેદીએ તેની ઇન્સ્ટાગ્રામ સ્ટોરી પર મુહુર્તની તસવીરો શેર કરી છે. તેમણે તસવીરોના કેપ્શનમાં લખ્યું છે – ‘ચાલો જઈએ … ટીમ યુધરા’.
શ્રીદેવી અભિનીત ફિલ્મ ‘મોમ’ નું નિર્દેશન કરી ચૂકેલા રવિ ઉદયવર ‘યુધરા’ નું નિર્દેશન કરી રહ્યા છે. ‘મોમ’માં રવિ ઉદયવરના કામની ખૂબ પ્રશંસા થઈ હતી. નિર્માતા ફરહાન અખ્તરે આ વર્ષની શરૂઆતમાં એક વીડિયો શેર કરી ફિલ્મની જાહેરાત કરી હતી. આ વીડિયોમાં તેણે ચાહકોને ફિલ્મના પાત્રોનો પરિચય આપ્યો. આ ફિલ્મ આવતા વર્ષે રિલીઝ થશે.
વર્ક ફ્રન્ટ પર, સિદ્ધાંત ચતુર્વેદી ‘ફોન બૂથ’માં જોવા મળશે. જેમાં તેની સાથે ઈશાન ખટ્ટર અને કેટરીના કૈફ જોવા મળશે. ખાસ વાત એ છે કે આ ફિલ્મ પણ ફરહાન અખ્તર અને રિતેશ સિધવાની દ્વારા સંયુક્ત રીતે બનાવવામાં આવી રહી છે. આ સિવાય તે ‘બંટી ઓર બબલી 2’માં પણ જોવા મળશે. શકુન બત્રાની આગામી ફિલ્મમાં સિદ્ધાંત ચતુર્વેદી પણ મહત્વની ભૂમિકામાં છે. તાજેતરમાં જ આ ફિલ્મનું શૂટિંગ પૂર્ણ થયું છે. જોકે શકુનની ફિલ્મનું ટાઇટલ હજુ જાહેર કરવામાં આવ્યું નથી. આ ફિલ્મમાં દીપિકા પાદુકોણ અને અનન્યા પાંડે પણ જોવા મળશે. આ ફિલ્મનું નિર્માણ કરણ જોહર અને અપૂર્વ મહેતા કરી રહ્યા છે.