ઠંડીથી બચાવવાની સાથે સાથે સ્ટાઇલ પણ વધારશે આ સ્કાર્ફ

શિયાળામાં સ્કાર્ફ માત્ર ઠંડીથી બચવાનું જ કામ નથી કરતો, પણ તેને બેલ્ટ, કૅપ, બો, વગેરેની જેમ પણ ઉપયોગમાં લઈ શકાય છે. એટલું જ નહિ, આઉટફિટમાં કેટલાક કલરફુલ પંચ લાવવા હોય તો પણ તમે સ્કાર્ફનો ઉપયોગ કરી શકો છો.ઠંડીમાં આમ દેખાવ સ્ટાઇલિશ પહેરો સુંદર અને કલરફુલ સ્કાર્ફ
ક્રિએટિવ ડિઝાઇન્સમાં ઘણા પ્રકારના સ્કાર્ફ અત્યારે છવાયેલા છે. સૌથી વધુ ડિમાન્ડ છે વૉટરમેલન ડિઝાઇનની. તેમાં વૉટરમેલન કલર્સનો ઉપયોગ કરી શકાય છે, જેમાં ડિઝાઇન માટે વૉટરમેલનના સીડ્સને બખૂબી પોરવવામાં આવ્યા છે. તે તમને 200થી 400 સુધીની રેન્જમાં મળશે. આ સિવાય પિત્ઝા, કપ કૅક, ટૉય, પ્લાન્ટ, ટાઈના શૅપમાં બટન્સ લગાવેલા, પિયાનો પ્રિન્ટ કરાયેલો સ્કાર્ફ, કૅટ ડિઝાઇન વગેરે ખૂબ છવાયેલા છે.
એનિમલ પ્રિન્ટ, ચેક્સ, બ્લેન્કેન્ડ વ્હાઇટ તેમજ ઉનના ગુંથેલા સ્કાર્ફ ખુબજ સ્ટાઈલિશ લાગે છે. આ સિવાય સ્કાર્ફના છેડે પૉકેટ્સ હોય તો તમે કોઈ પણ વસ્તુ કૅરી કરી શકો છે. એક્રેલિક યાર્નથી તૈયાર સ્કાર્ફ મોટી સાઇઝના હોય છે. તેમાં તમને ઘણી બધી ડિઝાઇન્સ મળશે, જેમાં પૉકેટ શૅપ, ડિઝાઇન્સ અને એમ્બ્રોઇડરી વગેરેમાં ઘણા એક્સપેરિમેન્ટ કરવામાં આવ્યા છે. તે 200થી લઈને 559 રૂપિયાની રેન્જમાં મળી જશે.
જો તમને ફૂલોની ડિઝાઇનના ડ્રેસ પસંદ હોય તો તમે આ વિન્ટરમાં ફ્લોરલ સ્કાર્ફને પોતાના વોર્ડરોબમાં જરૂર સામેલ કરશો. તેમાં તમને નાનાં અને મોટાં ફ્લાવર, મિક્સ અને કોન્ટ્રાસ્ટ મિક્સ કલરમાં ફ્લાવર મળશે. તેને સાઇડ અને કિનારીએ લેસથી ડેકોરેટ કરવામાં આવ્યા છે. લાઇટ ફેબ્રિકમાં તે તમને 120 રૂપિયાથી મળી શકે છે. કેટલીક જગ્યાએ તેની રેન્જ 800 રૂપિયાથી શરૂ થાય છે.
શિફૉન સુંદર લુક આપે છે. સ્કાર્ફ શિફૉનથી બનેલા હોય છે, તેથી જોવામાં અને સ્પર્શવામાં ખૂબ મુલાયમ હોય છે. આ સ્કાર્ફની ખાસિયત તેમાં ઉપયોગમાં લેવાતા શાઇનિંગ કરતા કલર્સ છે. તેને તમે ટ્રેડિશનલ અને વેસ્ટર્ન ડ્રેસીસ સાથે પહેરી શકો છો. તેને તમે 600થી લઈને 1400 રૂપિયા સુધીમાં મેળવી શકો છો