બર્મિગહામઃ સાત વર્ષની ઉંમરે બાળકો રમકડા રમતા જોવા મળે છે પરંતુ બર્મિગહામની સાત વર્ષની લિઝા લીંબુ શરબત વેચી રહી છે. કારણ કેતેને બ્રેઈન સર્જરી માટે પૈસા ભેગા કરવાના છે. અહેવાલ અનુસાર લિઝાની માતા એલિઝાબેથનું કહેવું છે કે ડોકટરોએ મગજની સર્જરી કરવાનું કહ્યું છે. લિઝા જે હંમેશાં બીજાને મદદ કરવા માટે ઉત્સુક રહે છે, તે તેના ઓપરેશન માટે હવે પૈસા એકઠી કરી રહી છે.
જણાવી દઈએ કે લિઝાનો આ સ્ટોલ બર્મિંગહામના સેવેજ બેકરીના કેશ કાઉન્ટર પાસે ઉભો કરાયો છે. તે લોકોને લીંબુનું પાણી આપે છે. લોકોને તેની બીમારી અને તેની સ્થિતિ વિશે જાણ થતાં જ લોકો મોટી સંખ્યામાં ત્યાં આવી રહ્યા છે. અહેવાલ અનુસાર તેને 5, 10, 20, 50 અને 100 ડોલરના ના બિલ મળ્યા છે.
લિઝાની માતાએ કહ્યું, “લિઝા બે મોટા ઓપરેશન બાદ હોસ્પિટલમાં હતી. તે જ સમયે તેણીએ લિંબુનું શરબન વેચવાનું વિચાર્યું. “એલિઝાબેથે કહ્યું,” મેં આ માટે તેને ના કહી દીધી હતી છે. બીલ ભરવા માટે લિઝાએ કંઈ કરવાની જરૂર નથી. હું એકલી છું. હું જાતે મારા બાળકોની સંભાળ રાખું છું. ” તેમણે કહ્યું કે લિઝાએ થોડા જ દિવસોમાં 12,000 યુએસ ડોલરની કમાણી કરી લીધી છે.
લિઝાની આ વાત ભાવનાત્મક છે. જો કે કેટલાક લોકો આ વિચારથી દુખી છે કે મગજની સર્જરી માટે બાળકને નાણાં એકત્રિત કરવાની જરૂરિયાત પડી છે. ટીકાકારોનું કહેવું છે કે અમેરિકન આરોગ્ય પ્રણાલી મરી રહી છે. મિત્રો, પરિવાર અને અન્ય લોકો જેમણે લિઝાની વાર્તા સાંભળી છે તેઓ પહેલેથી જ 300,000 ડોલરથી વધુનું દાન કરી ચૂક્યા છે.
એલિઝાબેથે એક ઓનલાઈન ભંડોળ ઉભું કર્યું છે. આ સર્જરી માટે ખુબ મોટો ખર્ચ થવાનો છે. તેની બોસ્ટન ચિલ્ડ્રન્સ હોસ્પિટલમાં સારવાર ચાલી રહી છે. લિઝાએ કહ્યું કે તેને તેના સ્ટેન્ડ પર કામ કરવામાં આનંદ થાય છે.
