કચ્છમાં મેઘો અનરાધાર તૂટી પડતા ડેમ અને તળાવો તો છલકાઈ ગયા છે, પરંતુ સાથો સાથ ખેતરોમા પણ પાણી ભરાઈ ગયા છે. જેને લીધે ખેતરો તળાવ બની ગયા છે. ભુજ સહિતના કેટલાક ગામોમાં વધારે પડતા વરસાદથી પાક ધોવાઈ ગયો છે.કચ્છમાં સિઝનનો 200 ટકાથી વધુ વરસાદ ખાબક્યો છે, જેના પગલે સમગ્ર જિલ્લો જળબંબાકાર બન્યો છે. ચોમાસુ પાકમાં ખેડૂતોને 70થી 80 ટકા નુકશાની થયું હોવાનું ખેડૂતો જણાવી રહ્યા છે. ભુજ તાલુકાના પટેલ ચોવીસીના ગામો જેવાકે સુખપર, માનકુવા, મિરજાપર, માધાપરના ખેતરોમાં દોઢથી બે ફુટ જેટલા પાણી ભરાઈ જતા પાક નિષ્ફળ ગયો છે. ખાસ કરીને એરંડા, કપાસ સહિતના પાકો બળી ગયા છે. ત્યારે પાક ધીરાણમાં સરકાર રાહત આપે તેવી માંગ ઊઠી છે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.