સમગ્ર દેશ માટે ખુલી ગયા ચારધામ યાત્રાના દ્વાર/ તમામ દસ્તાવેજો સાથે રાખવા પડશે

ઉત્તરાખંડ સરકારે પ્રદેશમાં બહારથી આવતા લોકો માટે અને શ્રદ્ધાળુઓ માટે ચારધામ યાત્રાને ખોલી દીધી છે. એટલે કે, હવે રાજ્ય સરકાર બહારથી આવતા શ્રદ્ધાળુને ચારધામ યાત્રા કરી શકશે. જો કે, બહારથી આવતા શ્રદ્ધાળુઓ માટે રાજ્ય સરકારે અલગથી નિયમો અને શરતો લાગૂ કરી છે. જેમાં પહેલુ છે કે, ઉત્તરાખંડામાં આવ્યાના 72 કલાક પહલા કોરોના ટેસ્ટ કરાવ્યો હોય અને તેમનો રિપોર્ટ નેગેટિવ આવ્યો. ત્યાર બાદ જ ચારધામની યાત્રા કરવાની મંજૂરી મળી શકશે. ચારધામ દેવસ્થાનમ બોર્ડના સીઈઓ રવિનાત રમને પ્રેસ કોન્ફરન્સ કરી આ જાણકારી આપી હતી. યાત્રિઓને આ યાત્રા દરમિયાન પોતાના કોરોના રિપોર્ટની ઓરીજનલ કોપી સાથે રાખવાની રહેશે. ચારધામ યાત્રાને લઈ જાહેર કરેલી ગાઈડલાઈન અનુસાર ઉત્તરાખંડમાં બહારથી આવતા શ્રદ્ધાળુ માટે આઈસીએમઆર દ્વારા અધિકૃત લેબમાંથી પણ કોરોના ટેસ્ટ એટલે કે, આરટી પીસીઆર ટેસ્ટની કરાવી શકાશે. દેશના કોઈ પણ ખૂણામાંથી આવતા શ્રદ્ધાળુઓએ પોતાના તમામ ડોક્યુમેન્ટ ચાર ધામ દેવસ્થાનમ બોર્ડની વેબસાઈટ પર અપલોડ કરવાના રહેશે. જ્યાથી આપ ઓનલાઈન રજીસ્ટ્રેશન કરાવી શકશો. જ્યાંથી તેમને આ યાત્રા માટે પાસ ઈસ્યૂ થશે. આ યાત્રા દરમિયાન સાથે ફોટો આઈડી અને કોરોના ટેસ્ટની ઓરિજનલ કોપી પણ રાખવાની રહેશે. જે લોકોએ કોરોના ટેસ્ટ નથી કરાવ્યો તેમને નિયમ મુજબ ક્વોરન્ટાઈન કરાવ્યા બાદ જ ચાર ધામ યાત્રાની મંજૂરી મળશે.