અમેરિકાની હેલ્થકેર ટેક્નોલોજી કંપની abbott (એબટ) એ કિચન અપ્લાયન્સ આકારનું કોરોનાવાઈરસનું પરિક્ષણ કરતું એક મશીન વિકસાવ્યું છે. કંપનીના દાવા મુજબ, આ મશીનથી ગમે ત્યારે પરિક્ષણ કરી શકાય છે. આ મશીન કોરોના રિપોર્ટ પોઝિટિવ હોવા પર 5 મિનિટમાં અને નેગેટિ હોવા પર 13 મિનિટમાં પરિણામ આપે છે. આ મશીનને FDA (ફૂડ એન્ડ ડ્રગ્સ એડમિનિસ્ટ્રેશન) દ્વારા મંજૂરી પણ મળી ગઈ છે. કંપનીએ ટ્વીટ કરીને આ માહિતી આપી છે. ટેક કંપની એબટના જણાવ્યા અનુસાર, આ મશીનનું વજન 3 કિલો છે. તેને સરળતાથી ગમે ત્યા લઈ જઈ શકાય છે. આગામી સપ્તાહથી એક દિવસમાં 50 હજાર ટેસ્ટ કરવામાં આવશે. કંપનીએ એપ્રિલ મહિના સુધી 1 કરોડ પરિક્ષણ કરવાનું લક્ષ્ય રાખ્યું છે. આ મશીનમાં મોલિક્યુલર ટેસ્ટિંગ ટેક્નોલોજીનો ઉપયોગ કરવામાં આવ્યો છે. જે મશીનમાં રહેલાં સેમ્પલના વાઈરસના અત્યંત નાનાં જીનોમના ભાગને ઓળખી અલર્ટ કરે છે. આ ટેક્નોલોજીની મદદથી ગણતરીની મિનિટોમાં જ પરિણામો મળી જશે. કંપનીના વાઈસ પ્રેસિડન્ટ ક્રિસ સ્કોગિંસના જણાવ્યા અનુસાર, આ મહામારીના સમયે વાઈરસનું વધારે પરિક્ષણ થાય તે જરૂરી છે. આ પોર્ટેબલ મશીન દ્વારા વધારે લોકોનું પરિક્ષણ કરી શકાશે. કોરોનાવાઈરસથી લોકોને સુરક્ષિત કરી રહેલાં હેલ્થ પ્રોફેશનલ્સને આ મશીન આપવામાં આવશે.
Satya Day News
Satya Media Group was founded on 25th January 2005 with a vision to be a pioneer in Gujarati Media Fraternity to cater to news which are original and authentic along with the fearless voice of Gujarati People. We are an unbiased and most acclaimed media house. Satya Day has been Leading Gujarati News Portal since 2005.