Freestyle Chess Grand Slam વિશ્વ ચેમ્પિયન ડી ગુકેશનો નિરાશાજનક અંત, આ દેશના ખેલાડી દ્વારા હાર
Freestyle Chess Grand Slam વિશ્વ ચેમ્પિયન ડી ગુકેશ સાતમા સ્થાનના પ્લેઓફ મેચની બીજી ગેમમાં ઈરાની મૂળના ફ્રેન્ચ ખેલાડી અલીરેઝા ફિરોઝા સામે હારી ગયા બાદ ફ્રીસ્ટાઇલ ચેસ ગ્રાન્ડ સ્લેમમાં છેલ્લા સ્થાને રહ્યો. આમ, ગુકેશ આ ટુર્નામેન્ટમાં એક પણ જીત મેળવી શક્યો નહીં અને તેનું અભિયાન નિરાશામાં સમાપ્ત થયું
Freestyle Chess Grand Slam ગુકેશ અને ફિરોઝા વચ્ચેની પહેલી ગેમ ડ્રો રહી હતી. ભારતીય ખેલાડી બીજી ગેમ સફેદ પીસ સાથે રમી રહ્યો હતો પરંતુ તે તેનો ફાયદો ઉઠાવી શક્યો નહીં અને 30 ચાલ સુધી ચાલેલી ગેમમાં તેને હારનો સામનો કરવો પડ્યો. આ દરમિયાન જર્મનીના વિન્સેન્ટ કીમરે પોતાનું સારું પ્રદર્શન ચાલુ રાખ્યું અને ટાઇટલ જીત્યું. ટુર્નામેન્ટની શરૂઆતમાં તેને સૌથી નબળો ખેલાડી માનવામાં આવતો હતો.
ટુર્નામેન્ટ પહેલા વિશ્વના નંબર વન મેગ્નસ કાર્લસનને ટાઇટલ માટે મજબૂત દાવેદાર માનવામાં આવતો હતો પરંતુ આખરે તેમને ત્રીજા સ્થાને સંતોષ માનવો પડ્યો.
ટુર્નામેન્ટમાં ખેલાડીઓનું અંતિમ સ્થાન નીચે મુજબ છે:
વિન્સેન્ટ કીમર, ફેબિયાનો કારુઆના, મેગ્નસ કાર્લસન, જાવોખિર સિંદારોવ, હિકારુ નાકામુરા, નોદિરબેક અબ્દુસત્તોરોવ, અલીરેઝા ફિરોઝા, ડી ગુકેશ.
