iPhone 8, iPhone 8+ અને iPhone X લોન્ચ થઈ ગયો છે.


આખરે છેલ્લા કેટલાય દિવસથી જેની રાહ જોવામાં આવતી હતી તે iPhone 8, iPhone 8+ અને iPhone X લોન્ચ થઈ ગયો છે. iPhone 8 અમેરિકામાં 45 હજારની આસપાસનો પડશે. જ્યારે iPhone 8+ 51 હજાર રૂપિયામાં પડશે. સૌથી જોરદાર પ્રોડક્ટ iPhone x માનવામાં આવે છે, જેમાં સૌથી શાનદાર ફીચર એ છે કે તેની સ્ક્રીન એજ-ટુ-એજ આપવામાં આવી છે. iPhone x તમારા ફેસને ઓળખીને ખોલી શકાશે. જ્યારે તેના ફ્રન્ટ સ્ક્રીન પર કોઈ બટન આપવામાં આવ્યું નથી. તેને નીચેથી ઉપર તરફ સ્વાઇપ કરીને ઓપરેટ કરી શકાશે.

અમેરિકાના કેલિફોર્નિયા રાજ્યમાં આવેલા કપરટીનોમાં આવેલા એપ્પલ પાર્ક કેમ્પસમાં સ્ટીવ જોબ્સ ઓડિટોરિયમમાં એપલના સીઇઓ ટીમ કૂકની આગેવાનીમાં iPhoneનાં અલગ અલગ મોડલ્સ લોન્ચ કરવામાં આવ્યા હતા. iPhone 8 અને iPhone8+ લોન્ચ કરવાની સાથે એપલ કંપનીની 10મી એનિવર્સરીને ઉજવવા માટે iPhone x એટલે કે iPhone 10 લોન્ચ કરવામાં આવ્યો છે. આ સાથે એપલે તેની વોચ સિરીઝ-3 અને એપલ ટીવી પણ લોન્ચ કર્યા હતા.

એપલ વોચ સિરિઝ થ્રીની સૌથી જોરદાર ખાસિયત એ છે કે તમારો ફોન ગમે ત્યાં પડ્યો હોય, તમે વોચથી તમારા કોલ્સ અને બીજી ઘણી બધી વસ્તુઓ હેન્ડલ કરી શકો છો. તમારો ફોન ઘરમાં પડ્યો છે અને તમે માર્કેટમાં શાકભાજી લેવા ગયા હોય તો ફોન પર આવનારો કોલ વોચ પર જોઈ શકાશે અને ફોન રિસિવ કરીને વાત પણ કરી શકાશે.

iPhone Xની ખાસિયતો જાણો
– 5.8 ઇંચની સ્ક્રીન OLED ડિસ્પ્લે
– એનીમેટેડ ઇમોજી
– Dual 21-megapixel રિયર કેમેરા
– પોટ્રેઇટ મોડ, લાઇટિંગ ફિચર સાથે
– ફ્રન્ટ ફેસિંગ કેમેરામાં પણ પોટ્રેઇટ મોડ
– હોમ બટન નથી, ફોન અનલોક કરવા માટે ફેસ આઇડી
– ગ્લાસ બેક અને ફ્રન્ટ
– સ્પેસ ગ્રે અને સિલ્વરમાં 64 અને 256 જીબી
– કિંમત 999 ડોલર એટલે કે અંદાજે રૂપિયા 64,000

iPhone8 અને iPhone8 પ્લસની ખાસિયતો
– ગ્લાસ ફ્રન્ટ અને બેક સાથે સિલ્વર, સ્પેસ ગ્રે, ન્યૂ ગોલ્ડ કલર સાથે આઈફોન 8 અને આઈફોન 8 પ્લસ લોન્ચ કરાયો
– એલ્યુમિનિયમ, લેઝર વેલ્ડેડ સ્ટીલ અને કોપર સ્ટ્રક્ચર
– નવા આઈફોનનો ગ્લાસ અત્યાર સુધીનો સૌથી ડ્યુરેબલ ગ્લાસ છે. તેમાં 3D ટચ અને ટ્રુ ટોન ડિસ્પ્લે છે.
– નવા આઈફોનમાં વાયરલેસ ચાર્જિંગની સુવિધા હશે.

iPhone8 અને iPhone8 પ્લસની કિંમત
– આઈફોન8 64GB અને 256GB મોડલ્સમાં આવશે. તેની કિંમત 699 ડોલર (લગભગ 44,760 રૂપિયા)થી શરૂ થશે.
– આઈફોન8 પ્લસની કિંમત 799 ડોલર (લગભગ 51,163 રૂપિયા)થી શરૂ થશે. બંને ફોન માર્કેટમાં 22 સપ્ટેમ્બરથી ઉપલબ્ધ થશે

આવી હશે એપલની વોચ સિરીઝ-3
– તમે બહાર જતી વખતે ફોનને ઘરે રાખી શકો છો તેમ જ માત્ર વોચ પહેરીને જ ક્યાંય પણ જઈ શકો છો.
– એપલ વોચ તમારા હાર્ટ રેટની ગણતરી કરી શકશે
એપલ વોચ ‘સિરીઝ 3’ના નોન વેરિઅન્ટની કિંમત 329 ડોલર એટલે કે (લગભગ 21,062 રૂપિયા) રાખવામાં આવી છે.
– એપલ વોચ ‘સિરીઝ 3’ 22 સપ્ટેમ્બરથી ઉપલબ્ધ થશે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

Twitter Auto Publish Powered By : XYZScripts.com