Share
ફોર્ડની ઇકોસ્પોર્ટ, ફિગો અને એસ્પાયર પર ભારે ડિસ્કાઉન્ટ.

ફોર્ડની ઇકોસ્પોર્ટ, ફિગો અને એસ્પાયર પર ભારે ડિસ્કાઉન્ટ.

નવી દિલ્હી: ઓટો કંપની ફોર્ડ ઇન્ડિયાએ કોમ્પેક્ટ એસયુવી ઇકોસ્પોર્ટ, સેડાન એસ્પાયર અને હેચબેક ફિગો પર રૂ.30,000 સુધીનું ડિસ્કાઉન્ટ ઓફર કર્યું છે. જુલાઈમાં જીએસટી હેઠળ મળનારા ફાયદા ગ્રાહકોને આપવા કંપનીએ આ નિર્ણય લીધો છે. કંપની ઇકોસ્પોર્ટ પર રૂ.20,000થી રૂ.30,000ની રેન્જમાં ડિસ્કાઉન્ટ પર ઓફર કરી રહી છે.

કોમ્પેક્ટ એસયુવીનો ભાવ રૂ.7.18 લાખથી રૂ.10.76 લાખ (એક્સ-શોરૂમ દિલ્હી)ની વચ્ચે છે. આ ઉપરાંત ફિગો અને એસ્પાયર પર રૂ.10,000થી રૂ.25,000 સુધીનું ડિસ્કાઉન્ટ ઓફર કરવામાં આવી રહ્યું છે. ફિગોનો ભાવ રૂ.4.75 લાખથી રૂ.7.73 લાખ છે, જ્યારે એસ્પાયરની કોમ્પેક્ટ સેડાનનો ભાવ રૂ.5.44 લાખથી રૂ.8.28 લાખની વચ્ચે છે.

આ ઉપરાંત જર્મનીની વૈભવી કાર ઉત્પાદક ઓડી, બીએમડબલ્યુ અને મર્સીડીઝ બેન્ઝે પણ જીએસટી હેઠળના ફાયદા ગ્રાહકોને આપવા ભાવ ઘટાડ્યા છે.