હું ભોળો નથી, ભોળો બનવાનું નાટક કરું છું : સલમાન ખાન

બોલીવુડ અભિનેતા સલમાન ખાનની ફિલ્મ ટયુબલાઈટનું ટ્રેલર આજકાલ ચર્ચાનો વિષય બન્યુ છે. તેમાં સલમાન ખાને ભજવેલી ભૂમિકાને બજરંગી ભાઈજાન સાથેની ભૂમિકા સાથે લોકો સરખાવી રહ્યા છે. આ બન્ને ફિલ્મનું ડાયરેક્શન પણ કબીર ખાને જ કર્યુ છે. ત્યારે સલમાનને આ અંગે પૂછવામાં આવ્યુ ત્યારે સલમાને મજાકિયા અંદાજમાં જણાવ્યુ કે, હું ભોળો દેખાવાનુ નાટક કરુ છું.

સલમાને જણાવ્યુ હતું કે આ ફિલ્મ મારા અને સોહેલ માટે ખૂબ જ મહત્વની છે. કારણકે તે બે ભાઈઓની વાર્તા છે. સલમાન ખાને ફિલ્મ અંગે વાત કરતા જણાવ્યુ હતું કે, ફિલ્મ ૧૯૬૨ના ભારત-ચીન યુદ્ધની પૃષ્ઠભૂમિ પર આધારીત છે. જોકે તેમણે આ ફિલ્મને લઈને કોઈ વિવાદ ઉભો થવાની શક્યતાને નકારી દીધી હતી. તેમણે જણાવ્યુ હતું કે, ફિલ્મ બજરંગી ભાઈજાન ભારત-પાકિસ્તાનના સંબંધો પર આધારીત હતી. તેમ છતાં તેને લઈને કોઈ વિવાદ પેદા થયો નહતો.

ત્યારે આ ફિલ્મને લઈને પણ કોઈ વિવાદ થવાનો નથી. દરેક ફિલ્મની વાર્તાની કેટલીક ડિમાન્ડ હોય છે જે મુજબ ફિલ્મ બનાવવામાં આવતી હોય છે. ત્યારે આ ફિલ્મ જોયા બાદ પણ તમને અંદાજ આવી જશે કે અમે કેમ આ ફિલ્મને ૧૯૬૨ની ભારત-ચીન લડાઈ પર આધારીત રાખી છે.

Share

Satyaday, Gujarat’s largest language media group, brings to you the most comprehensive Gujarati News Website. The app covers Latest Gujarati news from all around the world giving you a complete up-to-date coverage on news anytime and anywhere.

Twitter Auto Publish Powered By : XYZScripts.com